Karfa  

Engar vörur

Sendingarmáti 0 Kr.
Samtals 0 Kr.

Verð með vsk.

Greiða

Tilboð

Öll tilboð

Um afhendingu:

 

Ég pantaði vöru hjá ykkur og hún hefur ekki enn skilað sér, getið þið aðstoðað?

 

Við setjum vörur alltaf samdægurs í póst á virkum dögum ef pöntun og greiðsla berst fyrir kl. 14. en annars næsta virka dag.

 

Ef pöntunin kemst í bréfapóst, t.d. þungunar- eða egglosstrimlar og aðrar smáar vörur, skilar hún sér oftast inn um bréfalúgu eftir 1-3 virka daga. Okkar reynsla er sú að innan höfuðborgarsvæðisins líða oftast 1-2 virkir dagar en 2-3 utan höfuðborgarsvæðisins.

 

Stærri sendingar sem Íslandspóstur flokkar sem rúmfrekar eru ekki bornar út heldur fá viðskiptavinir tilkynningu um að þeirra bíði sending á pósthúsinu og geta sótt hana á sitt pósthús. Athugið að ekki þarf að bíða eftir tilkynningunni heldur er hægt að fara beint og sækja. Starfsfólk þjónustuvers Íslandspóst (s. 580-1200) er mjög liðlegt að svara fyrirspurnum um hvort sending bíði á pósthúsi. 

 

Það kemur stundum yrir að tilkynningar frá Íslandspósti skila sér ekki til viðskiptavina okkar þótt sendingin sé komin á pósthús. Ef óeðlilega langur tími er liðinn og engin tilkynning hefur borist er hægt að hafa samband við þjónustuver Íslandspóst en ef fólk vill frekar að við könnum málið er alveg sjálfsagt að hafa samband við okkur símleiðis (860-5989) eða í tölvupósti. Við biðjum fólk að virða venjulegan skrifstofutíma og hringja ekki um kvöld og helgar eða á öðrum frídögum nema erindið sé mjög brýnt.

 

Er hægt að sækja vöruna til ykkar?

 

Já, oftast er það lítið mál ef fólk hefur samband á undan, annað hvort með tölvupósti (frjosemi@frjosemi.is) eða símleiðis í 860-5989. Við erum í Seljahverfi í Breiðholti. Athugið samt að við erum ekki með posa á staðnum. Við biðjum fólk að virða venjulegan skrifstofutíma og hringja ekki um helgar eða á öðrum frídögum nema erindið sé mjög brýnt.

 

Um vörurnar:

 

Er hægt að kaupa auka strimla fyrir Clearblue stafræna egglosprófið?

 

Nei, því miður framleiðir Clearblue ekki auka strimla fyrir stafræna egglosprófið og því er ekki hægt að endurnýta það. Þá mælum við frekar með frjósemismælinum frá Clearblue. Hægt er að kaupa strimla í frjósemismælinn og er hann bæði nákvæmari en hefðbundin egglospróf og aðlagar sig að tíðahring hverrar konu: http://www.frjosemi.is/category.php?id_category=18

 

 

Um greiðslur:

 

Er hægt að borga með kreditkorti?

 

Já, við skiptum við Dalpay, íslenskt fyrirtæki sem hefur milligöngu um kreditkortagreiðslur á netinu. Eins og er koma upp villur með íslenska stafi í viðmótinu en það verður lagað á næstunni. 

 

Ég valdi að borga með millifærslu en veit ekki hvaða reikning á að greiða inn á.

 

Ef greitt er með millifærslu er lagt inn á reikning:

0130-05-060091

kt. 070380-4049

 

Ég gleymdi að setja pöntunarnúmer sem skýringu við millifærsluna, er það í lagi?

 

Oftast er það í lagi, við biðjum fólk aðallega að muna eftir þessu eða senda okkur póst ef greiðslan er á öðru nafni en kemur fram á pöntuninni. 

 

Um afslætti:

 

Ég er með afsláttarkóða en kann ekki að setja hann inn.

 

Þegar þú ert búin/n að velja vörur skaltu smella á "karfa" og þar er hægt að slá kóðann inn áður en farið er í greiðsluferlið.